Descrición

O balneario de Mondariz é un deses lugares máxicos que mellora co decorrer do tempo. Un espazo que foi capaz de reunir, desde 1873, artistas, políticos, intelectuais, persoas en busca dun ideal… nun ambiente de encanto, tradición, paz e luxo, nunha particular belle époque.

Unha base histórica de conto que, coa chega do século XXI se adapta ás novas formas de relax, lecer e descanso, para se converter nun destino único. Unha experiencia única no corazón de Mondariz-Balneario nunha atmosfera íntima e elegante. Un servizo e atención especiais aos hóspedes fan deste hotel o lugar perfecto para o seu tempo de descanso ou para reunións de negocio. Os seus maxestuosos edificios de granito combinan a historia de máis de 125 anos con elementos de arquitectura actual e a máis moderna tecnoloxía.

A auga é para Mondariz-Balneario o seu pasado, o seu presente e o seu futuro. Esta auga mineromedicinal é froito do paso da auga da choiva a través do subsolo desta terra e grazas ao cal vai adquirindo os minerais que a compoñen co paso dos anos, máis de 70 anos. Precisamente, a auga que caía en forma de choiva en Mondariz nos anos 30 é a que actualmente brota nos manantiais de Gándara e Troncoso.