Este apartado diríxese a tódalas persoas que busquen previr e paliar afeccións dermatolóxicas.

A terapia termal está indicada en patoloxías dermatoloxías pola súa importante acción a nivel cutáneo. As distintas propiedades das augas mineiromedicinais son un factor primordial para o mantemento do equilibrio orgánico que se manifesta principalmente a nivel da pel.

As patoloxías dermatolóxicas máis comunmente tratadas con terapia termal son a psoriase, eccemas, dermatite nas súas distintas afeccións dermatolóxicas, prurito, ulceras diabéticas, acne, forunculose, urticaria... etc

As características antimicrobianas das augas mineiromedicinais fan que sexan indicadas para este tipo de patoloxías, sendo as augas sulfuradas as que máis se utilizan.

Non debemos esquecer que existen contraindicacións das terapias termais, polo que todo tratamento termal debe ser baixo indicación médica e aplicada por profesionais sanitarios.

Afeccións tratables xerais: Psoríase, dermatite, eccemas, sarabullo, herpes, acne xuvenil, desequilibrio hídrico cutáneo, eritemas solares, celulite, manchas na pel, retención de líquidos, obesidade, estrías, engurras, flaccidez, hemorroides,...

Contraindicacións das augas en afeccións dermatolóxicas: Fotosensibilidade, enfermidades agudas da pel ou brotes e reagudizazón como infeccións por herpes, feridas ou ulceracións tróficas.