Descrición

A vila de Baños de Molgas posúe unha beleza difícil de esquecer. Representa a entrada á Ribeira Sacra, situada no val de "O Medo" atópase bañada por tres ríos: Arnoia, Tioira e Sor. Na contorna próxima ao balneario destaca a súa arboreda, os paseos pola beira do río, a área de piscinas, etc. Todo iso cun marcado carácter rural.

No que se refire ao monumental destaca a súa ponte romana dun só arco, os petróglifos e pequenas cazoletas pertencentes á arte rupestre ou o Santuario da nosa Señora dos Milagres. Este santuario resulta moi interesante. É de construción barroca do século XVII. Outro monumento interesante é a capela prerrománica de Sta. Eufemia de Ambía de finais do século IX con detalles mozárabes nas súas fiestras.

Tanto no Balneario coma nos restaurantes e casas de comidas dos arredores pódese degustar unha gastronomía tradicional e de grande calidade.