Descripción

Tratamentos do aparato respiratorio, locomotor e pel. Hotel de dúas estrelas, 54 prazas en habitacións dobres, varios salóns, aparcadoiro. Situado na ribeira do Miño conta con amplias zonas de paseo cun clima agradable durante todo o ano. Está situado a 9 metros sobre o nivel do mar.

O primerio testemuño escrito data de 1.675 na obra de Pedro Gómez de Bedoya y Paredes "Historia universal de las aguas minerales de España".

O manancial permaneceu oculto ata 1.750, momento no que comezou a súa andaina. Foi en setembro de 1.882 cando o seu fundador, Don Antonio Oliver Rubio, o descubre e comeza a súa historia moderna, coa construcción do complexo termal que dura ata os nosos días. A primeira declaración de utilidade pública data de 1.869. Desde un inicio tratáronse enfermidades do aparato respiratorio, locomotor e pel, tendo na actualidade un referente especial nas curas respiratorias a nenos.

As instalacións contan cun hotel (Hotel Balneario) de dúas estrelas e unha capacidade de 54 prazas en habitacións dobres, exteriores, con terraza, carto de baño compreto, TV, teléfono, ascensor, cafetería e wi-fi. Hai un aparcadoiro e unha extensa zona de xardín e esparcemento tando dentro do recinto hoteleiro como nos exteriores.

Este balneario está situado na riberia do Miño, a parroquia de San Martín de Caldelas pertence ao concello de Tui, limitando así mesmo co de Salceda e Salvaterra. O río Miño marca a fronteira natural con Portugal. Tui está a 9 km e é unha visita inexcusada para admirar o conxunto histórico-artístico coa súa catedral así como o parque natural do monte Aloia.

A 27 km está A Guarda, co monte Santa Tecla e as súas impresionantes vistas do estuario do Miño. Baiona, Vigo, así como todas as Rías Baixas son zonas da súa área de influencia, así como toda a zona norte de Portugal.